烚吓烚吓嘅另一好選擇

有咩簡單得過只需要切好晒啲材料,預備好湯底等班友烚吓烚吓就攪掂一餐?之前聽過啲日本媽媽如果諗唔到晚餐煮咩好或者預備唔切,就會係屋企整火鍋食!

上星期約咗小伙伴上嚟食飯,但之前成個星期開足七日工朝十晚十,加上又病埋。本身完全唔想煮嘢但又想見下一班小伙伴,就決定整壽喜燒!

依家愈開愈多嘅「日式邊爐」舖頭,最平嘅普通豬牛雞餐晚市都收您百幾二百蚊,雖然任食但其實您永遠都唔會食得多過兩碟牛肉。喺屋企整同樣嘅價錢已經可以買到好多靚牛肉同豐富配料。下次如果想食「日式邊爐」嘅話記得留番係屋企整喇!

壽喜燒(小米食堂風) [6人份量]:

壽喜燒醬汁(湯底):

  • 日式醬油——75毫升
  • 鰹魚汁———50毫升
  • 味霖————75毫升
  • 清酒————100毫升
  • 昆布高湯——250毫升(早少少浸定啲昆布,同埋煮完高湯可以拎番嚟食)
  • 糖—————1/2湯匙(可按個人口味調整甜度)

基本食材:

  • 日本大蔥——2支(斜切,約1厘米厚)
  • 洋蔥————1個(破開一半,半個洋蔥再開4份)
  • 日本旺菜——1個(切段)
  • 甘荀————1條(切片,可以用曲奇模切出不同造型)
  • 大根————半條(切段,約1.5厘米厚,兩邊鎅出十字紋有助煮熟同入味)
  • 鮮冬菇———6隻(用萬用紙抹乾淨,鎅出米字花紋)
  • 啡本菇———1包
  • 絹豆腐———1磚
  • 牛肉片———600克(切開一半)
  • 生雞蛋———每人1隻(拌食物吃,記得揀可以生食的雞蛋)

其他自選食材:

  • 日本椰菜
  • 日本種南瓜
  • 金菇
  • 獅子狗
  • 蟹柳
  • 日式魚糕/魚餅/魚丸等
  • 年糕福袋
  • 蒟蒻(切塊,鎅出網紋)
  • 蒟蒻絲(沖水洗淨)
  • 烏冬

步驟:

  1. 預熱火鍋爐具,加入適量食油(如果有牛油脂更好),加入適量大蔥、洋蔥炒香。
  2. 放入幾片牛肉煎至半熟,加入少量壽喜燒醬汁(湯底)。
  3. 將其他食材適量砌入鍋內,加入湯底至食材一半高度,蓋好煮至食材熟透就可以享用。
  4. 一邊吃時可加入食材及湯底,好似平時打邊爐一樣就可以。

小貼士:

  1. 一些比較耐煮嘅食材(如甘荀、大根等),可以先用水煮至半熟。
  2. 食材可以千變萬化,始終唔係正宗壽喜燒,其實大家鐘意加咩都得。
  3. 牛肉不要選啲太肥嘅,如有Budget盡量買靚少少瘦少少,唔係會煮到成鍋渣。
  4. 如果有小朋友,可以買啲公仔款嘅魚糕,小朋友會好開心!
  5. 湯底可以整定多少少慢慢食。如果唔介意嘅話,最尾唔夠湯可以就咁醬油味霖加清水都得。

預備一鍋餵飽6個人壽喜燒大約只需要半個鐘,就可以開開心心坐低同朋友一齊邊食邊煮。如果預上比較大食嘅朋友,可以預備多少少湯底同牛肉,再煮啲白飯底者加個烏冬落去,一定可以食飽佢!

廣告

發表迴響

在下方填入你的資料或按右方圖示以社群網站登入:

WordPress.com 標誌

您的留言將使用 WordPress.com 帳號。 登出 /  變更 )

Google photo

您的留言將使用 Google 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

連結到 %s